Hestejada Occitana

Bèth Cèu de Pau

Bèth Cèu de Pau

Bèth cèu de Pau,quan te tornarèi véder ?
Qu’èi tan sofèrt despuish qui t’èi quitat.
Si’m cau morir shens te poder revéder,
Adiu bèth cèu t’aurèi plan regretat !
Qu’aurí volut, Bearn cantar ta gluèra :
Mes ne poish pas car que soi tròp malaut.

Mon Diu ! Mon Diu !
Deishatz-me véder enqüera Lo cèu de Pau !
Lo cèu de Pau !
Ger qu’èri sol dens ma trista crampeta,
A respirar la perfum deu primtemps,
Quan tot d’un còp, ua prauba irongleta
Possa un gran crit e puish en medish temps,
Un esparvèr cor sus la berogina
Çà-i, çà-i t’ací, jo, ne’t harèi pas mau,
Rentra dehens, que parlaram praubina,
Deu cèu de Pau ! Deu cèu de Pau !

Qu’as-tu pensat, la mia prauba amiga,
De viatjar sola shens nat secors !
Repausa’t drin: de córrer que’t fatiga,
Ací n’as pas a crànher los vautors.
Tà que tremblar, òc, n’ès pas presonèra ;
Que pòts partir si n’èi pas çò qui’t cau !
Repren ton vòl, vè voltijar leugèra
Au cèu de Pau ! Au cèu de Pau !

Puish que te’n vas, beròja messatgèra,
Adiu ! Adiu ! Senti que’m vau morir,
Car lo Bon Diu dens son sejorn m’apèra :
Doman, dilhèu, non serèi mei ací !
Puish que te’n vas, vè te’n dans la montanha
Vè har lo nid devath noste portau
Qu’auràs de tot tà tu e ta companha,
Au cèu de Pau ! Au cèu de Pau !


Le festival Hestiv'Òc est organisé depuis 2005 par l'association Accents du Sud

Suivez-nous…

Facebook